Sérfræðingur á fjármálasviði

Sérfræðingur á fjármálasviði

Sýn leitar að metnaðarfullum sérfræðingi í öfluga deild sem er ábyrg fyrir fjárhagsgreiningum, áætlunargerð og skýrslugjöf til stjórnenda. Viðkomandi mun vinna þvert á deildir við fjárhagsgreiningar og taka þátt í spennandi breytingavegferð. Ef þú ert vel tæknilæs, með mikinn áhuga á greiningum og ert lausnamiðaður starfsmaður þá hvetjum við þig til að sækja um starfið.

Helstu verkefni:

• Greining á mánaðarlegum uppgjörum og skýrslugjöf til stjórnenda
• Almenn greining fjárhagsupplýsinga
• Aðstoð við áætlanagerð rekstrareininga
• Upplýsingagjöf og stuðningur við stjórnendur
• Fjárfestakynningar
• Önnur tilfallandi verkefni

Hæfniskröfur:

• Menntun sem nýtist í starfi, svo sem á sviði fjármála, viðskiptafræði, hagfræði, verkfræði eða sambærilegt
• Hæfni og brennandi áhugi á nýtingu gervigreindarlausna
• Sterk greiningarhæfni og reynsla af gagnavinnslu og túlkun fjárhagsupplýsinga
• Reynsla af áætlanagerð kostur
• Hæfni í mannlegum samskiptum
• Frumkvæði, drifkraftur og skipulögð vinnubrögð

Hvað höfum við að bjóða þér?

• Frábæra vinnufélaga
• Framúrskarandi vinnuaðstöðu
• Mötuneyti á heimsmælikvarða
• Internet- og farsímaáskrift
• Streymisveitu Sýnar og Viaplay
• Árlegan heilsustyrk
• Árlegan símtækjastyrk
• Samgöngustyrk fyrir þá sem nýta sér vistvæna ferðamáta til og frá vinnu
• Öflugt starfsmannafélag og frábæra vinnustaðamenningu

Hver erum við?

Sýn er leiðandi afl á sviði fjarskipta og fjölmiðlunar á Íslandi. Hjá Sýn sameinum við það besta úr heimi tækni og afþreyingar og breytum hversdagsleikanum í upplifun. Það er betra að vera með Sýn – hvort sem þú ert að horfa, hlusta, vafra eða vinna.

Hjá Sýn leggjum við áherslu á að starfsfólk upplifi vellíðan í vinnu. Það gerum við með því að búa starfsfólki framúrskarandi vinnuaðstöðu, huga að líkamlegri og andlegri heilsu þess og gefa því möguleika á sveigjanleika í vinnu. Við viljum að fólki líði vel í vinnunni, upplifi sig sem hluta af sterkri liðsheild, fái útrás fyrir sköpunarþörf sína og tækifæri til að takast á við verkefni þar sem styrkleikar þeirra fá helst notið sín. Sýn vill þannig stuðla að jákvæðri sjálfsmynd og góðu sjálfstrausti starfsfólks og að starfsfólk sýni frumkvæði í starfi. Við trúum því að fyrirtækinu gangi best þegar starfsfólkið er upp á sitt BESTA.

Við hvetjum áhugasöm af öllum kynjum til að sækja um í gegnum ráðningavefinn okkar. Umsóknarfrestur er til og með 17. maí 2026.

Fyrir nánari upplýsingar má senda póst á mannaudur@syn.is. Einungis er tekið á móti umsóknum í gegnum ráðningavefinn okkar.