Sérfræðingur í verðbréfagreiningu

Vegna mikilla umsvifa leitar Íslandsbanki að greinanda í samhentan hóp Verðbréfamiðlunar Íslandsbanka sem er ein öflugasta miðlun landsins og veitir fagfjárfestum aðgang að mörkuðum með hluta- og skuldabréf auk viðskipta með afleiður á verðbréfum.

Verðbréfamiðlun annast meðal annars kaup og sölu verðbréfa, hérlendis og erlendis, og hefur umsjón með skuldabréfaútboðum og frumútgáfum skuldabréfa í samstarfi við fjárfesta og aðra markaðsaðila.

Helstu verkefni og ábyrgð:

• Verðmöt og greiningar á fyrirtækjum
• Gerð kynningarefnis
• Virk þátttaka í fjölbreyttum verkefnum viðkomandi einingar

Hæfniskröfur:

• Háskólanám sem nýtist í starfi, helst á meistarastigi
• Verðbréfaréttindi eru mjög æskileg
• Frumkvæði í starfi og sjálfstæði í vinnubrögðum
• Gott vald á notkun íslensku og ensku í mæltu og rituðu máli
• Þekking á gerð verðmata
• Starfsreynsla af fjármálamarkaði er kostur en ekki skilyrði

Nánari upplýsingar um störfin veita:

Sigurður Hreiðar Jónsson, forstöðumaður Verðbréfamiðlunar (sigurdur.hreidar.jonsson@islandsbanki.is) og Guðlaugur Örn Hauksson, ráðningarstjóri (gudlaugurh@islandsbanki.is).