Lundarskóli: Stuðningsfulltrúi í skóla og starfsmaður í frístund

Við Lundarskóla eru lausar til umsóknar 60 - 100 % stöður stuðningsfulltrúa í skóla og starf í frístund. Um er að ræða tímabundnar stöður skólaárið 2026 - 2027. 

Ráðið verður í störfin frá og með 5. ágúst 2026 eða samkvæmt samkomulagi.

Leitað er að einstaklingum með metnað, sýna árangur í starfi, og leggja

áherslu á vellíðan nemenda í samstarfi við aðra starfsmenn og stjórnendur skólans.

Í Lundarskóla er unnið með SMT skólafærni og heilsueflandi skóla. Lundarskóli leggur áherslu á teymisvinnu og framþróun í skólastarfi.

Einkunnarorð skólans eru ábyrgð, virðing, vellíðan.

Viltu vita meira? Kíktu í rafræna heimsókn www.lundarskoli.is/

Helstu verkefni:

• Þátttaka og framkvæmd á fjölbreyttu og faglegu skóla- og frístundastarfi
• Móttaka nemenda, umsjón og eftirlit í stofum á skólatíma, í upphafi og í lok skóladags
• Starfa í frístunda fyrir upphaf skólaárs og/eða eftir að skólaári lýkur skv. stefnu Akureyrarbæjar
• Umsjón, móttaka og eftirlit með nemendum í leik og frístundastarfi
• Veita tækifæri til að stunda heilsusamlega hreyfingu og þroskandi leiki jafnt úti sem inni í skóla- og frístundastarfi
• Aðstoðar börn með nesti, ávexti og í matar- og kaffitímum í skóla og frístund
• Frímínútnagæsla innanhúss og utanhúss, eftir því sem þörf er á
• Tilsjón og aðstoð við nemendur með sérþarfir í skóla- og frístundastarfi
• Stuðlar að góðum aga og jákvæðum samskiptum samkvæmt STM stefnu skólans
• Stuðlar að velferð nemenda í samstarfi við annað starfsfólk skólans og aðstandendur
• Leitast við að virkja alla nemendur óháð getu og þroska í fjölbreytt verkefni og tekur fullan þátt í þeim verkefnum og viðburðum sem eru skipulögð
• Sinnir frágangi á starfssvæði frístundar í lok dags
• Önnur tilfallandi verkefni í skóla- og frístundarstarfi og/eða verkefnum skólastjórnandi felur viðkomandi

Menntunar- og/eða hæfniskröfur:

• Áhugi á að starfa með börnum og unglingum
• Gott vald á íslensku
• Reynsla af starfi með börnum og unglingum er kostur
• Færni í mannlegum samskiptum
• Frumkvæði og samstarfsvilji
• Jákvæðni, stundvísi, sjálfstæði og sveigjanleiki.
• Reglusemi og samviskusemi.
• Gerð er krafa um vammleysi, s.s. að vera með gott orðspor og að framkoma og athafnir á vinnustað og utan hans samrýmist starfinu.

Umsókninni skal fylgja upplýsingar um fyrri starfsreynslu og þau verkefni sem hann hefur unnið að.

Starfsmenn skólans gegna starfinu samkvæmt grunnskólalögum, reglugerðum, starfslýsingum, kjarasamningum, og mannauðsstefnu Akureyrarbæjar eftir því sem við á.

Tekið verður tillit til Mannréttindastefnu Akureyrarbæjar um jafnréttismál við ráðningu í starfið.

Upplýsingar um kaup og kjör veitir launadeild Akureyrarbæjar: launadeild@akureyri.is

Laun eru samkvæmt kjarasamningi Sambands íslenskra sveitarfélaga og viðkomandi stéttarfélags.

Allar nánari upplýsingar veitir Maríanna Ragnarsdóttir skólastjóri í netfangi marianna@akmennt.is eða í síma 4624888.

Einungis er tekið á móti rafrænum umsóknum.

Aðgengi að tölvu og aðstoð við umsóknir stendur til boða í þjónustuveri Akureyrarbæjar, Geislagötu 9.

Umsóknarfrestur er til og með 15. maí 2026