Naustaskóli: Kennari í heimilisfræði

Laus er til umsóknar 60% staða kennara í heimilisfræði fyrir nemendur í 1.-10. bekk. Ráðið er í starfið frá 1. ágúst 2026 og um ótímabundna ráðningu er að ræða.

Naustaskóli leitar að metnaðarfullum og skapandi heimilisfræðikennara til að taka þátt í öflugu skólastarfi. Kennarinn mun leiða nemendur í gegnum verklega og bóklega kennslu í heimilisfræði með áherslu á heilbrigðan lífsstíl, sjálfbærni og skapandi hugsun.

Í Naustaskóla er lögð áhersla á jákvæðan aga, teymiskennslu, námsaðlögun og faglegt samstarf. Kennarar kenna saman á opnum svæðum og skapa saman lærdómssamfélag með sérstakri áherslu á að koma til móts við hvern og einn nemanda.

Einkunnarorð Naustaskóla eru „Námsaðlögun- Athvarf- Umhyggja – Samvinna – Táp og fjör – Allir með!“

Viltu vita meira? Kíktu í rafræna heimsókn www.naustaskoli.is

Helstu verkefni:

• Skipulagning og framkvæmd heimilisfræðikennslu.
• Umsjón og ábyrgð á heimilisfræðistofu og búnaði.
• Gerð kennsluáætlana.
• Námsmat og endurgjöf til nemenda.
• Virk þátttaka í þverfaglegu samstarfi.
• Samstarf við aðra sérgreinakennara og starfsfólk skólans.
• Þátttaka í þróunarstarfi og nýsköpun í kennsluháttum.

Menntunar- og hæfniskröfur:

• Kennaramenntun og réttindi til kennslu í grunnskóla.
• Reynsla af kennslu í grunnskóla æskileg.
• Vald á fjölbreyttum kennsluaðferðum sem taka mið af mismunandi þörfum, áhuga og getu nemenda.
• Góð færni í upplýsingatækni.
• Framúrskarandi samskiptahæfni.
• Frumkvæði og sjálfstæði í starfi.
• Áhugi á þróun kennsluhátta.
• Góð íslenskukunnáttta í ræðu og riti.
• Gerð er krafa um vammleysi, s.s. að vera með gott orðspor og að framkoma og athafnir á vinnustað og utan hans samrýmist starfinu.

Umsókninni skal fylgja greinargóð skýrsla um störf umsækjanda og menntun, kennslureynslu og þau verkefni sem hann hefur unnið að og varpað geta ljósi á færni hans til að sinna starfi kennara. Þá skal fylgja umsókninni greinargerð um hugmyndir umsækjanda og sýn hans á kennarastarfið og hvernig hann sér starf sitt sem kennara geta þróast.

Tekið verður tillit til Mannréttindastefnu Akureyrarbæjar um jafnréttismál við ráðningu í starfið.

Laun eru samkvæmt kjarasamningi Sambands íslenskra sveitarfélaga og Kennarasambands Íslands vegna Félags grunnskólakennara.

Upplýsingar um kaup og kjör veitir launadeild Akureyrarbæjar: launadeild@akureyri.is

Allar nánari upplýsingar veitir Bryndís Björnsdóttir skólastjóri í síma 460-4101, netfang dis@akmennt.is

Einungis er tekið á móti rafrænum umsóknum.

Umsóknarfrestur er til og með 3. apríl 2026