Síðuskóli: Íþróttakennari

Í Síðuskóla er laus 100% staða íþróttakennara. Um er að ræða ótímabundið starf og ráðið er í stöðuna frá 1. ágúst 2026.

Leitað er að einstaklingi með mikinn metnað sem sýnt hefur árangur í störfum sínum og leggur áherslu á vellíðan og árangur nemenda í samstarfi við aðra starfsmenn og stjórnendur skólans.

Síðuskóli starfar samkvæmt hugmyndafræði SMT- skólafærni og er Grænfánaskóli og Réttindaskóli UNICEF. Í skólanum er mikið unnið með hvatningu og hrós sem er góð leið til að sýna börnum jákvæða athygli, kenna þeim æskilega hegðun og viðhalda henni.

Í Síðuskóla er sérdeild fyrir einhverfa nemendur og þjónustar hún alla þá nemendur sem búsettir eru á Akureyri og hlotið hafa einhverfu greiningu.

Í Síðuskóla sýnum við ábyrgð, virðingu og vináttu.

Viltu vita meira? Kíktu í rafræna heimsókn www.siduskoli.is

Menntunarkröfur:

• Kennaramenntun og réttindi til kennslu í grunnskóla
• Réttindi til að sinna sundkennslu

Hæfniskröfur:

• Hefur á valdi sínu fjölbreyttar kennsluaðferðir sem taka mið af mismunandi þörfum, áhuga og getu nemenda
• Reynsla af teymiskennslu æskileg
• Góðir skipulagshæfileikar
• Frumkvæði og samstarfsvilji
• Sveigjanleiki og víðsýni í starfi og samskiptum
• Hæfni í mannlegum samskiptum
• Að vera reiðubúinn til að leita nýrra leiða í skólastarfi
• Áhugi á þróunarstarfi
• Góð íslenskukunnátta í ræðu og riti er skilyrði
• Gerð er krafa um vammleysi s.s. að vera með gott orðspor og að framkoma og athafnir á vinnustað og utan hans samrýmist starfinu.

Umsókninni skal fylgja greinargóð skýrsla um störf umsækjanda og menntun, kennslureynslu og þau verkefni sem hann hefur unnið að og varpað geta ljósi á færni hans til að sinna starfi kennara.

Tekið verður tillit til Mannréttindastefnu Akureyrarbæjar um jafnréttismál við ráðningu í starfið.

Laun eru samkvæmt kjarasamningi Sambands íslenskra sveitarfélaga og Kennarasambands Íslands vegna Félags grunnskólakennara.

Upplýsingar um kaup og kjör veitir launadeild Akureyrarbæjar: launadeild@akureyri.is

Allar nánari upplýsingar veita Ólöf Inga Andrésdóttir skólastjóri olofi@akmennt.is, Helga Lyngdal deildarstjóri helgal@akmennt.isog Anna María Þórhallsdóttir deildarstjóri annamth@akmennt.is. Einnig er hægt að leita upplýsinga í síma 4622588.

Einungis er tekið á móti rafrænum umsóknum.

Umsóknarfrestur er til og með 24. mars 2026.