Sumarafleysing - Verslun og þjónustuborð

Við leitum að jákvæðum og þjónustulunduðum einstaklingi í sumarafleysingu í 7 vikur til að sjá um litla verslun og móttökunni á Hrafnistu Laugarási.

Vinnutími er alla virka daga frá kl 09.00-16.10

Kostur er ef viðkomandi getur hafið störf í kringum 24. maí. Mikilvægt er að viðkomandi sé ekki að fara í sumarfrí á meðan afleysingu stendur.

Helstu verkefni:

• Afgreiðsla í verslun heimilisins
• Móttaka gesta og símsvörun
• Almenn afgreiðsla og aðstoð í tengslum við þjónustuborð
• Tilfallandi skrifstofustörf

Hæfniskröfur:

• Góð samskiptahæfni og þjónustulund
• Sjálfstæði og skipulagshæfni
• Reynsla af afgreiðslustörfum er kostur en ekki skilyrði

Hrafnista rekur sjö hjúkrunarheimili á höfuðborgarsvæðinu og í Reykjanesbæ. Þau eru Laugarás, Sléttuvegur, Skógarbær, Boðaþing, Ísafold, Hraunvangur og Nesvellir.

Markmið Hrafnistu er að veita framúrskarandi þjónustu til þess að íbúar og aðrir þjónustuþegar upplifi öryggi, traust og vellíðan. Til að styðja við þetta markmið vinnur Hrafnista eftir hugmyndafræði sem lýsir hvaða upplifun, menningu og tilfinningu við viljum skapa bæði fyrir þjónustuþega og starfsfólk. Hugmyndafræðin er hjartað í starfseminni en samhliða er unnið að verkefnum sem ætlað er að bæta starfsumhverfið og þróa þjónustuna.

– Einkunnarorð okkar eru að við vinnum á heimili íbúa, þeir búa ekki á vinnustaðnum okkar -

Ef þú vilt vinna á vinnustað þar sem áherslur eru m.a. öflugur mannauður, framúrskarandi samskipti, þróun á þjónustu og þar sem nýting og þróun á þjónustueflandi verkfærum eru í brennidepli þá viljum við endilega heyra frá þér.