Umsjón með félagsstarfi aldraðra

Félagsþjónusta Norðurþings auglýsir eftir öflugum og skapandi starfsmanni í félags- og tómstundastarf aldraðra og húsumsjón. Um er að ræða 100% starf með vinnutíma frá 08:00-16:00. Starfsstöð er í grunnskólunum á Kópaskeri og Raufarhöfn. 

Starfsmaðurinn vinnur að öflugu félags- og tómstundastarfi og hefur umsjón með skólahúsnæði á Kópaskeri og Raufarhöfn. Lögbundið félags- og tómstundastarf skv. lögum um félagsþjónustu sveitarfélaga nr. 40/1991, fer fram vikulega á hvorum stað fyrir sig. 

Markmið lögbundins félags- og tómstundastarfs skv. lögum um félagsþjónustu sveitarfélaga nr. 40/1991 er að tryggja öldruðum aðgang að félags- og tómstundastarfi við þeirra hæfi með áherslu á fræðslu og námskeiðahald um réttindi aldraðra og aðlögun að breyttum aðstæðum sem fylgja því að hætta þátttöku á vinnumarkaði. 

Óskað er eftir metnaðarfullum starfsmanni sem vill stuðla að faglegu starfi með gæði og kærleika að leiðarljósi. Starfið er opið, skemmtilegt og býður upp á að innleiða nýjungar. 

Helstu verkefni umsjónarmanns: 

• Félags- og tómstundastarf aldraðra og umsjón með daglegri starfsemi.
• Vikulegir samráðsfundir með félagsþjónustu.
• Skipuleggja og halda utan um námskeið og viðburði í tengslum við félags- og tómstundastarfið.
• Samskipti og samstarf.
• Umsjón með skólahúsnæði á Kópaskeri og Raufarhöfn 

Menntun og hæfniskröfur:

• Gerð er krafa um félagsliðanám, stúdentspróf eða sambærilega þekkingu/reynslu á starfssviðinu.
• Hæfni í mannlegum samskiptum, virðing og samvinna.
• Áhugi á félags- og tómstundastarfi og vinnu með fólki.
• Frumkvæði og sjálfstæð vinnubrögð. 
• Fjölbreytt áhugasvið sem nýtist í starfi félagsins. 
• Kunnátta í handverki eða föndri er kostur. 
• Góð íslensku kunnátta. 
• Bílpróf og bíll til umráða. 

Starfshlutfall er 100%. Laun eru samkvæmt kjarasamningi launanefndar sveitarfélaga og viðkomandi stéttarfélags. 

Æskilegt er að viðkomandi geti hafið störf 1. maí 2026